Idelfonso Puente queda na memoria

El axudounos a recuperar a memoria e agora nunca o esqueceremos. Aclarounos o que aparecía nos papeis, puxo nome aos rostros das fotografías, lembrounos o que non poñían as Causas e contounos o que non se podo dicir con palabras. Déixanos e á vez queda con nós. Idelfonso foi quizais o máis lúcido rexistrador da nosa historia contribuíndo a que puidéramos comprender o noso presente, se ben el mesmo confesaba que había cousas que tampouco entendía. Non lle cabía na cabeza por que no noso Concello sigue homenaxeándose nos letreiros das rúas aos asasinos e ladróns que ocuparon pola forza o poder e causaron tanta miseria, incultura e terror. En cambio, non hai xeito de que se respecte a última manda das autoridades lexítimas ao pedir que se lle dedique unha rúa co nome “Mártires da Estrada”.
Vaise sen que ese seu desexo se cumpra. Un desexo compartido con centos de estradenses que conviviron con el naqueles días incertos na colonia penitenciaria de San Simón. O desexo de que se lles recorde. No seu caso podemos afirmar efectivamente que nunca o esqueceremos. Mais el sempre quixo que non nos esquezamos de ningún dos esquecidos,. Dos que se decretou a desmemoria inxustamente. De nós depende.