Necrolóxica do Concello de Cerdedo
Que foi executado o mediodía do 20 de outubro de 2016 no cadafalso da Chan (Cotobade), traizoado polos seus e sen auxilios espirituais, en cumprimento da sentenza irrevogábel ditada o 22 de setembro do devandito ano (Decreto 134/2016) por tribunal sumarísimo e, desoídas as peticións de indulto, ratificada o luns 17 de outubro de 2016 (DOG). O albeite que lle practicou a autopsia alegou morte por colapso cardíaco, alivio dunha longa e acerba agonía provocada por inanición parasitaria de índole caciquil, consumada por cadro agudo de “complejo de romano”.
O finado, de 183 anos de idade, morreu desafiuzado e soíño coma un can; deixa un milleiro de orfos e máis de medio millón de euros en débedas.
Primos, tíos y demás familia pregan polo seu eterno descanso e convídannos a asistir ao pranto público que se celebrará o vindeiro luns, 31 de outubro, ás 20:30 horas, na Praza da República da infausta localidade (a carón da igrexa parroquial e do camposanto de San Xoán); seguidamente, a participar na procesión fantasmal na que, de corpo presente, o cadáver será conducido por carrouchos e corredoiras, e ao posterior banquete mortuorio. Favores por los cuales les anticipan las más expresivas gracias.
Amenizará o sepelio unha nutrida representación das choronas de Cangas. O autocar do carrexo de votos percorrerá os lugares de costume en sinal de dó.
Casa mortuoria: Casa do Concello de Cerdedo (Salón de Plenos).
Funeraria: A Fusionadora.
O finado, de 183 anos de idade, morreu desafiuzado e soíño coma un can; deixa un milleiro de orfos e máis de medio millón de euros en débedas.
Primos, tíos y demás familia pregan polo seu eterno descanso e convídannos a asistir ao pranto público que se celebrará o vindeiro luns, 31 de outubro, ás 20:30 horas, na Praza da República da infausta localidade (a carón da igrexa parroquial e do camposanto de San Xoán); seguidamente, a participar na procesión fantasmal na que, de corpo presente, o cadáver será conducido por carrouchos e corredoiras, e ao posterior banquete mortuorio. Favores por los cuales les anticipan las más expresivas gracias.
Amenizará o sepelio unha nutrida representación das choronas de Cangas. O autocar do carrexo de votos percorrerá os lugares de costume en sinal de dó.
Casa mortuoria: Casa do Concello de Cerdedo (Salón de Plenos).
Funeraria: A Fusionadora.
Feed RSS
