O mestre Fermín López Varela eríxese en Forcarei como paradigma dunha escola laica, innovadora, solidaria e integradora, truncada polo franquismo
Calros Solla
Edificio da escola vella de Pardesoa (Foto-Juan Soto).
Himno republicano para los niños, poema da autoría de Fermín López Varela. Fermín López Varela, nado o 30 de marzo de 1911, era fillo de Indalecio López Balseiros, “acaudalado industrial” de Cachafeiro (Forcarei). Sospeitamos que Indalecio López rexentaba unha empresa vinculada ao ramo dos transportes, xa que, un ano antes (Galicia Nueva, 25-5-1928), o camión PO-3007 da súa propiedade fora sancionado pola Garda Civil de San Xurxo de Sacos (Cotobade) por mor dunha infracción de tráfico. Cotexando o nº de matrícula co ano de matriculación, o vehículo era do trinque.
Fermín López Varela rematou os seus estudos de Maxisterio na Escola Normal de Pontevedra en xuño de 1929. Na mesma páxina do xornal vigués El Pueblo Gallego (5-6-1929) onde lemos a nova, publicitábase a máquina de escribir Kappel: “Revolución completa en máquinas de escribir. Superior a todas las marcas conocidas. Precisión mecánica de la invencible industria alemana”. O trebello púñase á venda por 800 pesetas, sufragábeis en dez meses. Fermín andaba nos 18 anos.
En agosto do 29, o correspondente do xornal bonaerense Correo de Galicia en Forcarei trasládalle ao recén titulado Fermín López a súa en hora boa. O xornal ourensán Galicia do 26 de maio de 1931 informa que, con data do 31 de xaneiro, Fermín López solicitáralle á administración educativa rexentar unha praza de interino. O 31 de maio dese mesmo ano, o tamén ourensán La Región publica que a Fermín López se lle viña de asignar a escola do lugar de Pereiras, pertencente á parroquia de Rabeda e concello de Taboadela (Ourense).
Tras unha brevísima estadía na escola de Pereiras, El Pueblo Gallego (7-11-1931) informa que Fermín López fora nomeado polo Consello Provincial de 1ª Ensinanza mestre interino da escola da parroquia de Salto, no concello de Rodeiro.
O xornal pontevedrés Progreso do 17 de novembro de 1931 (martes) informa que os días 14, 15 e 16, durante a celebración na capital duns cursos de selección para o ingreso no Maxisterio, chegaran dende diversos puntos da xeografía galega, un grupo numeroso de mestres co obxectivo de interromper a devandita actividade. Estes profesores son cualificados pola prensa de “elementos levantiscos” e “albototadores”. Practícanse moitas detencións. Entre os detidos figura Fermín López. O gobernador aplícalle unha sanción de 100 pesetas “por reincidente”. Os cursiños son, finalmente, suspendidos e adiados. O xornal coruñés El Ideal Gallego ofrécenos algunha máis explicación:
Los cursillos del Magisterio se vienen dando en esta ciudad [Pontevedra] con cierta anormalidad, debido a la campaña abstencionista que realiza un gran número de opositores.
El sábado [14], como se sabe, hubo distintos incidentes con motivo de la explosión de un pequeño petardo en el aula donde se daban las conferencias. Hubo carreras y cargas en los alrededores del Instituto y la policía practicó varias detenciones de maestros, entre los que se hallaban algunos forasteros.
En la noche del sábado se reunieron en el Centro Obrero numerosos cursillistas de Pontevedra con comisiones que habían llegado de otras provincias gallegas para fomentar la abstención...
O xornal Progreso do 19 de novembro informa da posta en liberdade de Fermín López Varela.
Dous anos despois, o 22 de marzo de 1933, El Pueblo Gallego informa da petición de man de Irene Blanco Adán, moza de Vilapouca (Soutelo), por parte de Fermín López Varela: Entre los novios se han cruzado los regalos de rigor, quedando la boda concertada para fecha próxima.
O 15 de maio de 1933, o xornal pontevedrés El País publica que Fermín López fora nomeado mestre interino da escola de Cernadelo (Presqueiras, Santa Mariña (Forcarei)), por tener su derecho reservado desde que hizo el servicio militar. Por posuír o título de bacharel, probabelmente só cumpriu catro semanas de mili. Naquela época, de non mediar pago de cota, o servizo militar tiña unha dura dun ano.
O 23 de decembro de 1933, El Pueblo Gallego publica as listaxes de mestras e mestres que superaran os cursos de selección do Maxisterio Primario. Nelas figura Fermín López Varela co número 10 do terceiro tribunal.
En marzo de 1934, Fermín López afíliase á Asociación de Trabajadores de la Enseñanza (UGT). Segue exercendo a docencia na escola de Cernadelo. Informa El Pueblo Gallego.
En novembro de 1934, Fermín López, “cursillista del 33”, elixe praza e decántase pola escola de Pardesoa (Forcarei). Informa o semanario pontevedrés El Noticiero Gallego (“Revista de Primera Enseñanza”).
O 5 de maio de 1936, El Pueblo Gallego reproduce na páxina 2 “La comunidad infantil en la escuela”, relatorio presentado por Fermín López ao Congreso Regional de Trabajadores de la Enseñanza de Galicia. Extraemos os seguintes retallos da súa exposición, imbuída do pensamento anarcocomunista de Kropotkin:
“Si al niño hay que prepararlo para la vida, si hay que hacer de él un ser consciente y responsable de sus actos, un verdadero hombre capaz de sentir, querer y obrar según los dictados de la Naturaleza, y, por consiguiente, según las necesidades de la comunidad social de que forme parte, no cabe duda que la Escuela tiene que ensanchar su campo de acción, a base de una educación más lógica y más en armonía con los principios de solidaridad, de ayuda mutua y de justicia...
El fin de la educación ha de ser, pues, el de crear una conciencia colectiva, en la cual las conciencias individuales que la integren se moverán con arreglo a las normas y leyes naturales de la comunidad...
Cada maestro constituirá, pues, dentro del marco de la Escuela una sociedad infantil, cuyo contenido doctrinal abarcará todos los aspectos de la vida. Para el gobierno de la comunidad, la administración correrá a cargo de los mismos niños y comprenderá todas las actividades del hacer escolar. Tendrá una junta o directiva con presidente, secretario etc., que convocará a reuniones o asambleas en los días que los camaradas acuerden. En dichas asambleas, el maestro actuará con un tacto exquisito, procurando que la camaradería y el orden natural sean el más preciado blasón de la agrupación. Además, ha de hacer que las cuestiones que sean objeto de debate se refieran a asuntos de palpitante interés y tengan como fin el amor y la justicia social. Las conclusiones aprobadas se anotarán en el libro de actas (pues la sociedad infantil tendrá los libros correspondientes).
También, si hubiera medios (llega con una máquina de escribir), será muy útil y pedagógico que la comunidad infantil tuviese un órgano periodístico para perpetuar la inicitaiva y pensamiento de cada individuo. Esta revista despertará, a su vez, la curiosidad del niño y constituirá un auxiliar poderoso para el desenvolvimiento de la naciente sociedad...”
Evócame Fermín López a historia do mestre Antoni Benaiges (“O mestre que prometeu o mar”, 2023) e o seu innovador método pedagóxico. Imaxino a Chano Piñeiro dirixindo a Enric Auquer. Imaxino unha riolada de nenas e nenos, xuntos e mesturados, arrodeando con aglaio unha mesa auxiliar; unha mesa na que se exhibe e se lles ofrece, xa non unha imprenta, senón unha flamante máquina de escribir. Que ben viría a Kappel do anuncio!
Nesa altura, un mestre de Primeira Ensinanza, cobraba 3.000 pesetas anuais (unhas 250 ptas. mensuais). Mesmo así, atopamos na prensa a Fermín López respondendo ao chamado da A.T.E. e contribuíndo economicamente para defender nos tribunais as reivindicacións do gremio.
O 23 de xuño de 1936, Fermín López publica no nº 56 da revista pontevedresa Escuela Vivida (“Órgano de la Casa del Maestro”) un seu poema, intitulado: “Himno republicano para los niños”. Eis os primeiros versos:
Compañeros, cantemos a Riego / y llevémosle en los corazones; / en la Escuela serán las canciones / siempre himnos de libertad. / En su época fue aquel Fernando / quien le puso en pedazos un día; / toda España lloró en su agonía, / y lloró también la Humanidad. / Odiemos los tiranos; / odiemos el terror. / ¡Vivan los pueblos libres, / la igualdad y el amor!...
O 16 de xullo de 1936, na antesala da subversión fascista, Fermín López asina en Escuela Vivida (nº 59) o seu derradeiro artigo “El laicismo y su poder renovador”.
O 18 de xullo acontece o nefasto golpe de Estado. A data ominosa retrotráenos aos tempos de Fernando VII –o rei Felón–, sinistro personaxe que, tras o éxito do pronunciamento de Del Riego e vendo perigar os seus privilexios, exclamou aquilo de “Marchemos francamente...”. O 18 de xullo do 36, o pobo volvía “marchar francamente”. Toldábase a luz da Ilustración e impúñase ilícita pola forza das armas unha escola “autoritaria, nacional-católica, sexista, clasista, españoleira, dogmática, doutrinal e reaccionaria”; exemplos aínda quedan.
O mestre Fermín López foi detido, permanecendo meses en prisión. A súa biblioteca persoal, destruída. A maquinaria represiva dos golpistas cebouse coa súa familia.
O luns 31 de agosto de 1936, o xornal El Diario de Pontevedra publica en portada (e ss.) unha listaxe interminábel de “Maestros suspendidos de empleo y sueldo”. Así xustificaban as autoridades golpistas o oprobio:
“Al producirse el actual movimiento de Ejército, secundado felizmente por la Nación, ha podido observarse que las actividades políticas y sociales de buen número de Maestros, su falta de respeto a la moral cristiana y el comportamiento profesional de los mismos en las escuelas, han sido factores que contribuyeron con punible eficacia a fomentar el estado caótico y anárquico del país...”
Entre os mestres e mestras que os fascistas suspenden dos seus cargos figura Fermín López Varela (25 anos), da escola de Pardesoa. A canda el, son consignados estroutros docentes que exercían no concello de Forcarei: Manuel Pedreira Pazos e Francisco Rivas Besteiro, da escola de Meavía; Benito Méndez Rodríguez, da escola de Aciveiro; Isolina Méndez Rodríguez, da escola de Dúas Igrexas, e Ramón Castillo Ferreira, da escola de Liñares (Castrelo).
Consta o mestre de Pardesoa no libelo Galicia y el movimiento nacional (1938, páx. 395) do crego filofascista Silva Ferreiro:
“Forcarey ... más que el mal ejemplo y ostentaciones revolucionarias de los ‘camaradas’ de Sotelo, influyó en la comarca la diabólica labor de una ‘caterva’ de maestros de escuela, que más que enseñar, se dedicaban a pervertir, no solo a los niños a los que obligaban a saludar puño en alto a todo coche que pasaba, sino también a los labradores del contorno, para los cuales organizaban, los domingos y días de fiesta, frecuentes mítines, envenenándolos con sus doctrinas y obligándoles (incluso a las mujeres) a aceptar el brazalete rojo que habían de lucir en la fiesta del 1º de Mayo y en otras manifestaciones de índole parecida.
Pardesoa, Dosiglesias, Acibeiro, Meabia y Liñares (Castrelo) tuvieron la desgracia de contar en sus escuelas con apóstoles de cuño marxista y formación revolucionaria, que llevaron a aquellas gentes, antes pacíficas, la intranquilidad y ambición sociales, que en ellas se revelaba en Julio del 36...
Si necesitaban armas, fueron a pedirlas a la capital de la provincia, para donde salieron el 19 de julio (con tal objeto) D. Fermín López Varela, maestro de Pardesoa, Taberneiro y otros, que en el Gobierno Civil fueron recibidos por un oficial del mismo, de ideas fascistas, que los devolvió a sus casas ‘con buenas maneras y manos vacías’.
Taberneiro, o Rolo de Vilapouca, concelleiro republicano, será asasinado por falanxistas o 11 de agosto do 36 na parroquia de Alba (Pontevedra). Manuel Pedreira Pazos (Celas-Culleredo), mestre de Meavía, pai de seis fillos, tamén será asasinado en Pontevedra en agosto do 36.
O 25 de setembro de 1938, o semanario El Noticiero Gallego informa que o xefe do Servizo Nacional de Primeira Ensinanza resolvera Ratificar la suspensión de empleo y sueldo de los Maestros propietarios propuestos para separación definitiva que se indican: Nunha listaxe inesgotábel de docentes consta Fermín López Varela, o mestre de Pardesoa. O 11 de maio de 1940, o mesmo periódico informa que, resolto o expediente, o Ministerio de Educación Nacional decidira separar definitivamente del servicio y baja en el escalafón respectivo, entre outros moitos mestres, a Fermín López Varela.
Como lle aconteceu ao seu homólogo cerdedés Francisco Varela Buela, o mestre tivo que sobrevivir pondo clases particulares, acosado sempre polos censores da nova orde; albo da calumnia e vileza dos “vencedores”.
A vida segue. O 20 de maio de 1959, Xoaquín Sanmartín López, correspondente de El Pueblo Gallego en Soutelo de Montes, informa do enlace matrimonial de Mª do Carme López Blanco, filla de Fermín López, con Luís García Mato. A voda celebrouse na parroquial de Folgoso: La novia lució un precioso traje de tul ilusión ... Los numerosos invitados fueron después espléndidamente obsequiados en el Hotel Avenida, animando la fiesta la orquesta que dirige el notable acordeonista Pepe Cendón.
Los recién casados, a los que deseamos una vida llena de felicidades, salieron de viaje a varias poblaciones españolas, para después embarcar en Vigo con rumbo a Venezuela, donde fijarán su residencia.
O fotógrafo soutelán Virxilio Viéitez retratou –para El Pueblo Gallego– os noivos, sorrintes e acaramelados, no interior do vehículo empregado para a cerimonia.
Xoaquín Sanmartín López fora compañeiro de estudos de Fermín López Varela. Ambos os dous fixéronse mestres no ano 1929. Sanmartín exerceu en Vilariño de Conso, Rubiás (Ramirás) e Tebra (Tomiño). En maio de 1940, resolto o seu expediente de depuración, foi obxecto de traslado forzoso e outras inhabilitacións por un período de dous anos. Por tal, o 6 de novembro dese ano, Sanmartín foi trasladado da escola de Tebra á de Setecoros (Valga). En 1952, exercendo o maxisterio e a correspondencia de El Pueblo Gallego y La Noche en Soutelo de Montes, o mestre Sanmartín López acadaría tamén o título de practicante.
Saiban os veciños de Pardesoa de Fermín López Varela, mestre republicano. Sirva o presente artigo como reivindicación do seu nome para o edificio da antiga escola de Pardesoa. As míllaras do fascismo volveron ser fecundadas. Peor ca non saber é non querer saber.
Fermín López Varela rematou os seus estudos de Maxisterio na Escola Normal de Pontevedra en xuño de 1929. Na mesma páxina do xornal vigués El Pueblo Gallego (5-6-1929) onde lemos a nova, publicitábase a máquina de escribir Kappel: “Revolución completa en máquinas de escribir. Superior a todas las marcas conocidas. Precisión mecánica de la invencible industria alemana”. O trebello púñase á venda por 800 pesetas, sufragábeis en dez meses. Fermín andaba nos 18 anos.
En agosto do 29, o correspondente do xornal bonaerense Correo de Galicia en Forcarei trasládalle ao recén titulado Fermín López a súa en hora boa. O xornal ourensán Galicia do 26 de maio de 1931 informa que, con data do 31 de xaneiro, Fermín López solicitáralle á administración educativa rexentar unha praza de interino. O 31 de maio dese mesmo ano, o tamén ourensán La Región publica que a Fermín López se lle viña de asignar a escola do lugar de Pereiras, pertencente á parroquia de Rabeda e concello de Taboadela (Ourense).
Tras unha brevísima estadía na escola de Pereiras, El Pueblo Gallego (7-11-1931) informa que Fermín López fora nomeado polo Consello Provincial de 1ª Ensinanza mestre interino da escola da parroquia de Salto, no concello de Rodeiro.
O xornal pontevedrés Progreso do 17 de novembro de 1931 (martes) informa que os días 14, 15 e 16, durante a celebración na capital duns cursos de selección para o ingreso no Maxisterio, chegaran dende diversos puntos da xeografía galega, un grupo numeroso de mestres co obxectivo de interromper a devandita actividade. Estes profesores son cualificados pola prensa de “elementos levantiscos” e “albototadores”. Practícanse moitas detencións. Entre os detidos figura Fermín López. O gobernador aplícalle unha sanción de 100 pesetas “por reincidente”. Os cursiños son, finalmente, suspendidos e adiados. O xornal coruñés El Ideal Gallego ofrécenos algunha máis explicación:
Los cursillos del Magisterio se vienen dando en esta ciudad [Pontevedra] con cierta anormalidad, debido a la campaña abstencionista que realiza un gran número de opositores.
El sábado [14], como se sabe, hubo distintos incidentes con motivo de la explosión de un pequeño petardo en el aula donde se daban las conferencias. Hubo carreras y cargas en los alrededores del Instituto y la policía practicó varias detenciones de maestros, entre los que se hallaban algunos forasteros.
En la noche del sábado se reunieron en el Centro Obrero numerosos cursillistas de Pontevedra con comisiones que habían llegado de otras provincias gallegas para fomentar la abstención...
O xornal Progreso do 19 de novembro informa da posta en liberdade de Fermín López Varela.
Dous anos despois, o 22 de marzo de 1933, El Pueblo Gallego informa da petición de man de Irene Blanco Adán, moza de Vilapouca (Soutelo), por parte de Fermín López Varela: Entre los novios se han cruzado los regalos de rigor, quedando la boda concertada para fecha próxima.
O 15 de maio de 1933, o xornal pontevedrés El País publica que Fermín López fora nomeado mestre interino da escola de Cernadelo (Presqueiras, Santa Mariña (Forcarei)), por tener su derecho reservado desde que hizo el servicio militar. Por posuír o título de bacharel, probabelmente só cumpriu catro semanas de mili. Naquela época, de non mediar pago de cota, o servizo militar tiña unha dura dun ano.
O 23 de decembro de 1933, El Pueblo Gallego publica as listaxes de mestras e mestres que superaran os cursos de selección do Maxisterio Primario. Nelas figura Fermín López Varela co número 10 do terceiro tribunal.
En marzo de 1934, Fermín López afíliase á Asociación de Trabajadores de la Enseñanza (UGT). Segue exercendo a docencia na escola de Cernadelo. Informa El Pueblo Gallego.
En novembro de 1934, Fermín López, “cursillista del 33”, elixe praza e decántase pola escola de Pardesoa (Forcarei). Informa o semanario pontevedrés El Noticiero Gallego (“Revista de Primera Enseñanza”).
O 5 de maio de 1936, El Pueblo Gallego reproduce na páxina 2 “La comunidad infantil en la escuela”, relatorio presentado por Fermín López ao Congreso Regional de Trabajadores de la Enseñanza de Galicia. Extraemos os seguintes retallos da súa exposición, imbuída do pensamento anarcocomunista de Kropotkin:
“Si al niño hay que prepararlo para la vida, si hay que hacer de él un ser consciente y responsable de sus actos, un verdadero hombre capaz de sentir, querer y obrar según los dictados de la Naturaleza, y, por consiguiente, según las necesidades de la comunidad social de que forme parte, no cabe duda que la Escuela tiene que ensanchar su campo de acción, a base de una educación más lógica y más en armonía con los principios de solidaridad, de ayuda mutua y de justicia...
El fin de la educación ha de ser, pues, el de crear una conciencia colectiva, en la cual las conciencias individuales que la integren se moverán con arreglo a las normas y leyes naturales de la comunidad...
Cada maestro constituirá, pues, dentro del marco de la Escuela una sociedad infantil, cuyo contenido doctrinal abarcará todos los aspectos de la vida. Para el gobierno de la comunidad, la administración correrá a cargo de los mismos niños y comprenderá todas las actividades del hacer escolar. Tendrá una junta o directiva con presidente, secretario etc., que convocará a reuniones o asambleas en los días que los camaradas acuerden. En dichas asambleas, el maestro actuará con un tacto exquisito, procurando que la camaradería y el orden natural sean el más preciado blasón de la agrupación. Además, ha de hacer que las cuestiones que sean objeto de debate se refieran a asuntos de palpitante interés y tengan como fin el amor y la justicia social. Las conclusiones aprobadas se anotarán en el libro de actas (pues la sociedad infantil tendrá los libros correspondientes).
También, si hubiera medios (llega con una máquina de escribir), será muy útil y pedagógico que la comunidad infantil tuviese un órgano periodístico para perpetuar la inicitaiva y pensamiento de cada individuo. Esta revista despertará, a su vez, la curiosidad del niño y constituirá un auxiliar poderoso para el desenvolvimiento de la naciente sociedad...”
Evócame Fermín López a historia do mestre Antoni Benaiges (“O mestre que prometeu o mar”, 2023) e o seu innovador método pedagóxico. Imaxino a Chano Piñeiro dirixindo a Enric Auquer. Imaxino unha riolada de nenas e nenos, xuntos e mesturados, arrodeando con aglaio unha mesa auxiliar; unha mesa na que se exhibe e se lles ofrece, xa non unha imprenta, senón unha flamante máquina de escribir. Que ben viría a Kappel do anuncio!
Nesa altura, un mestre de Primeira Ensinanza, cobraba 3.000 pesetas anuais (unhas 250 ptas. mensuais). Mesmo así, atopamos na prensa a Fermín López respondendo ao chamado da A.T.E. e contribuíndo economicamente para defender nos tribunais as reivindicacións do gremio.
O 23 de xuño de 1936, Fermín López publica no nº 56 da revista pontevedresa Escuela Vivida (“Órgano de la Casa del Maestro”) un seu poema, intitulado: “Himno republicano para los niños”. Eis os primeiros versos:
Compañeros, cantemos a Riego / y llevémosle en los corazones; / en la Escuela serán las canciones / siempre himnos de libertad. / En su época fue aquel Fernando / quien le puso en pedazos un día; / toda España lloró en su agonía, / y lloró también la Humanidad. / Odiemos los tiranos; / odiemos el terror. / ¡Vivan los pueblos libres, / la igualdad y el amor!...
O 16 de xullo de 1936, na antesala da subversión fascista, Fermín López asina en Escuela Vivida (nº 59) o seu derradeiro artigo “El laicismo y su poder renovador”.
O 18 de xullo acontece o nefasto golpe de Estado. A data ominosa retrotráenos aos tempos de Fernando VII –o rei Felón–, sinistro personaxe que, tras o éxito do pronunciamento de Del Riego e vendo perigar os seus privilexios, exclamou aquilo de “Marchemos francamente...”. O 18 de xullo do 36, o pobo volvía “marchar francamente”. Toldábase a luz da Ilustración e impúñase ilícita pola forza das armas unha escola “autoritaria, nacional-católica, sexista, clasista, españoleira, dogmática, doutrinal e reaccionaria”; exemplos aínda quedan.
O mestre Fermín López foi detido, permanecendo meses en prisión. A súa biblioteca persoal, destruída. A maquinaria represiva dos golpistas cebouse coa súa familia.
O luns 31 de agosto de 1936, o xornal El Diario de Pontevedra publica en portada (e ss.) unha listaxe interminábel de “Maestros suspendidos de empleo y sueldo”. Así xustificaban as autoridades golpistas o oprobio:
“Al producirse el actual movimiento de Ejército, secundado felizmente por la Nación, ha podido observarse que las actividades políticas y sociales de buen número de Maestros, su falta de respeto a la moral cristiana y el comportamiento profesional de los mismos en las escuelas, han sido factores que contribuyeron con punible eficacia a fomentar el estado caótico y anárquico del país...”
Entre os mestres e mestras que os fascistas suspenden dos seus cargos figura Fermín López Varela (25 anos), da escola de Pardesoa. A canda el, son consignados estroutros docentes que exercían no concello de Forcarei: Manuel Pedreira Pazos e Francisco Rivas Besteiro, da escola de Meavía; Benito Méndez Rodríguez, da escola de Aciveiro; Isolina Méndez Rodríguez, da escola de Dúas Igrexas, e Ramón Castillo Ferreira, da escola de Liñares (Castrelo).
Consta o mestre de Pardesoa no libelo Galicia y el movimiento nacional (1938, páx. 395) do crego filofascista Silva Ferreiro:
“Forcarey ... más que el mal ejemplo y ostentaciones revolucionarias de los ‘camaradas’ de Sotelo, influyó en la comarca la diabólica labor de una ‘caterva’ de maestros de escuela, que más que enseñar, se dedicaban a pervertir, no solo a los niños a los que obligaban a saludar puño en alto a todo coche que pasaba, sino también a los labradores del contorno, para los cuales organizaban, los domingos y días de fiesta, frecuentes mítines, envenenándolos con sus doctrinas y obligándoles (incluso a las mujeres) a aceptar el brazalete rojo que habían de lucir en la fiesta del 1º de Mayo y en otras manifestaciones de índole parecida.
Pardesoa, Dosiglesias, Acibeiro, Meabia y Liñares (Castrelo) tuvieron la desgracia de contar en sus escuelas con apóstoles de cuño marxista y formación revolucionaria, que llevaron a aquellas gentes, antes pacíficas, la intranquilidad y ambición sociales, que en ellas se revelaba en Julio del 36...
Si necesitaban armas, fueron a pedirlas a la capital de la provincia, para donde salieron el 19 de julio (con tal objeto) D. Fermín López Varela, maestro de Pardesoa, Taberneiro y otros, que en el Gobierno Civil fueron recibidos por un oficial del mismo, de ideas fascistas, que los devolvió a sus casas ‘con buenas maneras y manos vacías’.
Taberneiro, o Rolo de Vilapouca, concelleiro republicano, será asasinado por falanxistas o 11 de agosto do 36 na parroquia de Alba (Pontevedra). Manuel Pedreira Pazos (Celas-Culleredo), mestre de Meavía, pai de seis fillos, tamén será asasinado en Pontevedra en agosto do 36.
O 25 de setembro de 1938, o semanario El Noticiero Gallego informa que o xefe do Servizo Nacional de Primeira Ensinanza resolvera Ratificar la suspensión de empleo y sueldo de los Maestros propietarios propuestos para separación definitiva que se indican: Nunha listaxe inesgotábel de docentes consta Fermín López Varela, o mestre de Pardesoa. O 11 de maio de 1940, o mesmo periódico informa que, resolto o expediente, o Ministerio de Educación Nacional decidira separar definitivamente del servicio y baja en el escalafón respectivo, entre outros moitos mestres, a Fermín López Varela.
Como lle aconteceu ao seu homólogo cerdedés Francisco Varela Buela, o mestre tivo que sobrevivir pondo clases particulares, acosado sempre polos censores da nova orde; albo da calumnia e vileza dos “vencedores”.
A vida segue. O 20 de maio de 1959, Xoaquín Sanmartín López, correspondente de El Pueblo Gallego en Soutelo de Montes, informa do enlace matrimonial de Mª do Carme López Blanco, filla de Fermín López, con Luís García Mato. A voda celebrouse na parroquial de Folgoso: La novia lució un precioso traje de tul ilusión ... Los numerosos invitados fueron después espléndidamente obsequiados en el Hotel Avenida, animando la fiesta la orquesta que dirige el notable acordeonista Pepe Cendón.
Los recién casados, a los que deseamos una vida llena de felicidades, salieron de viaje a varias poblaciones españolas, para después embarcar en Vigo con rumbo a Venezuela, donde fijarán su residencia.
O fotógrafo soutelán Virxilio Viéitez retratou –para El Pueblo Gallego– os noivos, sorrintes e acaramelados, no interior do vehículo empregado para a cerimonia.
Xoaquín Sanmartín López fora compañeiro de estudos de Fermín López Varela. Ambos os dous fixéronse mestres no ano 1929. Sanmartín exerceu en Vilariño de Conso, Rubiás (Ramirás) e Tebra (Tomiño). En maio de 1940, resolto o seu expediente de depuración, foi obxecto de traslado forzoso e outras inhabilitacións por un período de dous anos. Por tal, o 6 de novembro dese ano, Sanmartín foi trasladado da escola de Tebra á de Setecoros (Valga). En 1952, exercendo o maxisterio e a correspondencia de El Pueblo Gallego y La Noche en Soutelo de Montes, o mestre Sanmartín López acadaría tamén o título de practicante.
Saiban os veciños de Pardesoa de Fermín López Varela, mestre republicano. Sirva o presente artigo como reivindicación do seu nome para o edificio da antiga escola de Pardesoa. As míllaras do fascismo volveron ser fecundadas. Peor ca non saber é non querer saber.
Virxilio Viéitez fotografou a filla do mestre Fermín López Varela o día da súa voda.
Feed RSS
