MILLERADA: é un abundancial de millo, é dicir, o seu significado é “grande cantidade de millo”. Esta palabra deriva do latín MILIUM, e na actualidade utilizámola para nos referir á  planta gramínea orixinaria de América;  pero inicialmente millo  designaba outro cereal ao que o americano veu substituír por ser este moito máis produtivo e alimenticio. Por iso, para diferencialos, o que orixinalmente se chamaba  millo, hoxe coñecémolo como millo miúdo ou paínzo.

A Capela de San Antonio de Garellas foi fundada en 1668 por Don Gregorio Reigosa.

A Capela de San Antonio de Garellas foi fundada en 1668 por Don Gregorio Reigosa.

Esta consta dunha planta rectangular, con muros de cachotaría e cantería de granito e cuberta dunha tella de dúas augas.

O escudo que se atopa na fachada, pertence á familia do fundador. É unha das capelas máis antigas do concello de Forcarei, xa que se atopa nunha zona moi importante no pasado histórico, cousa que demostra o castro de Garellas.

A capela foi restaurada no ano 1994, a primeira foto foi tomada o día catro de febreiro do ano 1995.

Na terceira foto amósase unha cruz misteriosa situada na parte traseira da capela.

A última foto é do 8 de xuño do 2025, a capela ten tres bandeiras debido á celebración do San Antonio.