O colectivo Capitán Gosende elabora un inventario da simboloxía franquista aínda existente en Cerdedo

Simboloxía franquista en Cerdedo (4ª entrega)

Fonte pública do Barral (Tomonde).

Fonte pública do Barral (Tomonde, 1950).

Calros Solla

Simboloxía franquista na parroquia de Tomonde (Cont.)

1. Fonte pública de Tomonde (O Barral)

Localización
Concello: Cerdedo.
Parroquia: Tomonde.
Lugar: Tomonde (O Barral).
Coordenadas: X: 549.038; Y: 4.714.248
Inmóbel: Fonte pública con inscrición memorativa na cabeceira. Inaugurada no ano 1950, cadrando coa alcaldía de Manuel Gutiérrez Torres, o terceiro alcalde da ditadura en Cerdedo e xefe local da Falanxe. Na actualidade, o inmóbel consta de fonte, pío e dous sentadoiros. Na cabeceira da fonte tallouse o emblema de Falanxe (xugo e frechas). Por debaixo, riscáronse as siglas J.A.M. e mais a data de construción. As siglas J.A.M. correspóndense a “Juntas de Ayuda a Municipios”, un desaparecido organismo franquista. No arquivo do colectivo Capitán Gosende gárdase unha foto da fonte que data da súa inauguración.


Aditamento ilegal:
Elemento: Inscrición.
Dimensións: O texto inscrito ocupa unha superficie de 53 cm x 34 cm.
Texto e/ou emblema:


[Emblema de Falanxe]
J. A. M.


1952


Accións pendentes: Abuxardado da inscrición, respectando a data de construción.

1. Lavadoiro público de Tomonde (O Barral)

Localización
Concello: Cerdedo.
Parroquia: Tomonde.
Lugar: Tomonde (O Barral).
Coordenadas: X: 549.123; Y: 4.714.291
Inmóbel: Lavadoiro cuberto, con inscrición memorativa na cabeceira. Inaugurada no ano 1954, cadrando coa alcaldía de Manuel Gutiérrez Torres (o terceiro alcalde da ditadura en Cerdedo e xefe local da Falanxe) ou coa de Antonio Peleteiro Fernández (o cuarto alcalde da ditadura en Cerdedo). Na cabeceira do lavadoiro tallouse o emblema de Falanxe (xugo e frechas). Por debaixo, riscáronse as siglas O.S.M. e mais a data de construción. As siglas O.S.M. correspóndense a “Obra Social del Movimiento”, un desaparecido organismo franquista.


Aditamento ilegal:
Elemento: Inscrición.
Dimensións: O texto inscrito ocupa unha superficie de 42 cm x 34 cm.
Texto e/ou emblema:


[Emblema de Falanxe]
O. S. M. 1954


Accións pendentes: Abuxardado da inscrición, respectando a data de construción.

1. Fonte pública da Vilalén (fonte da Aldea de Baixo)

Localización
Concello: Cerdedo.
Parroquia: Tomonde.
Lugar: A Vilalén (Aldea de Baixo).
Coordenadas: X: 548.808; Y: 4.713.492
Inmóbel: Fonte con inscrición memorativa na cabeceira. O inmóbel consta de fonte e bebedoiro. Na cabeceira da fonte tallouse o emblema de Falanxe (xugo e frechas). Por debaixo, labrárase a data de construción, mais, na actualidade, só é visíbel un “1”. Os riscos aínda conservan a pintura negra (trazo orixinal ou repintado).


Aditamento ilegal:
Elemento: Inscrición.
Dimensións: O texto inscrito ocupa unha superficie de 78 cm x 40 cm.
Texto e/ou emblema:


[Emblema de Falanxe]
DIPUTACIÓN ∙ P

COOPERACIÓN ∙ AÑO 1 [...]


Accións pendentes: Abuxardado da inscrición. Inquirir a data de construción do inmóbel e gravala no sitio.


Continuará...

Lavadoiro do Barral (Tomonde).

Fonte pública da Aldea de Baixo (A Vilalén-Tomonde).