Xornal de Tabeirós-Terra de Montes

Os rostros da memoria de Tabeirós-Terra de Montes

26/3/2015

Dionisio Pereira achega 10 fotos máis de persoas acosadas polo franquismo que finalmente tiveron que optar por fuxir ao estranxeiro, concretamente a Brasil.
Progresivamente seguimos a recuperar a historia silenciada acumulando información sobre o noso pasado oculto. Rescatando a aquelas persoas auténticamente exemplares e as súas historias persoais que explican a nosa historia colectiva.

Imaxes da memoria

listaxes de vítimas

0 Comentários

8 de marzo, día internacional das mullertes: Igualdade Xa!

6/3/2015

0 Comentários

A Asociación Cultural “Vagalumes” apoia o día das mulleres, o 8 de marzo, e a manifestación unitaria que terá lugar en Compostela o vindeiro domingo ás 12 na Estación de Autobuses.
A involución na situación das mulleres agravada pola crise económica e pola ofensiva retrógrada que están a sufrir nos seus dereitos e nas súas liberdades, alonxándoas do obxectivo de igualdade real que todos e todas deberíamos ter.

0 Comentários

Porque cuqui non quere ir á lavadora preséntase na Estrada

3/3/2015

0 Comentários

PORQUE CUQUI NON QUERE IR Á LAVADORA é a doce e divertida historia sobre un oso de peluxe editada por Apiario.María Lado, autora do conto, dará voz a este conto para *s máis pequen*s. Será no Teatro Principal da Estrada o sábado 7 de marzo ás 12:30. Ao remate, teremos unha pequena actividade de debuxo ao redor do protagonista da historia.A entrada é de balde ata completar aforo.
María Lado é titulada en Produción Audiovisual, e cursou estudos de Filoloxía Galega. María Lado comezou a escribir no núcleo do Batallón Literario da Costa da Morte, onde publicou os seus primeiros textos en tres libros colectivos: Nós, Mar por medio e Rumbo ás illas. Ten participado en máis volumes colectivos e antoloxías poéticas, e colaborado tamén en prensa co xornal dixital Vieiros, coa revista Dorna e coa revista portuguesa Comentário, entre outras; así coma en diversas publicacións galegas e peninsulares.
Traduciu ó galego varios libros de literatura infantil publicados por Edicións do Cumio, editorial na que traballou durante cinco anos.
Ademais de poeta, María Lado é narradora. Varios dos seus relatos pódense atopar en revistas e colaboracións. Colabora no disco Finais dos 70s, comezos dos 80s, de Fanny + Alexander, recitando o poema Berlín, da súa creación.
Tamén se dedica ao teatro e realiza traballos profesionais como actriz. No 2012 participou na obra Oeste solitario de Martin McDonagh.

0 Comentários

Homenaxe a Rosalía 2015

1/3/2015

0 Comentários

Poema compartido con Rosalía

David Otero

Rosalía doce dama,
luminosa señora de Galicia,
soberana guía que nos defines
e determinas.

Verde luz
da aflorecida esperanza deste pobo,
poema noso de obrigada lectura
e de escritura

Amiga nosa,
marabilla inmedible de identidade,
teimosa caminante a noso ser.
e tan cantora.

Mirada verdadeira
a comunal futuro que cumprir,
palabra matricial feita poema
e harmonía.

E así soñamos…
cantando na túa memoria,
cando a túa mirada permanente nos recita
tantos versos

E neste día que nos sinala…acariñando
é o amor quen se fai recordo e nos abraza,
nas luzadas cheas de estrelas a bicarnos,
nomeándote

Que sexa así o romper dos días que desexamos,
os que nos permitan as portas liberadas,
para nós abrilas…para nós pechalas…
se queremos.

E na dozura mellor do que sentimos
andemos paso a paso os nosos tempos
e así teñamos a mellor viaxe, Rosalía,
para pensarte.

Nesa humildade do noso orgullo
dicímoste señora,
esperanza,
marabilla,
futuro,
amor…
ROSALÍA.

d.o.feb.MMXV.

0 Comentários