O colectivo Capitán Gosende elabora un inventario da simboloxía franquista aínda existente en Cerdedo

Simboloxía franquista en Cerdedo (5ª entrega)

Calros Solla

Fonte pública da Devesa (Tomonde). Fonte de Riba.

Simboloxía franquista na parroquia de Tomonde (Cont.)

1. Fonte pública da Devesa

Localización
Concello: Cerdedo.
Parroquia: Tomonde.
Lugar: A Devesa.
Coordenadas: X: 548.105; Y: 4.714.580
Inmóbel: Fonte pública con inscrición memorativa labrada na pedra da cabeceira. Inaugurada no ano 1952, cadrando coa alcaldía de Manuel Gutiérrez Torres, o terceiro alcalde da ditadura en Cerdedo e xefe local da Falanxe. Na actualidade, o inmóbel consta de fonte, pío, bebedeiro e lavadoiro. O inmóbel foi recentemene restaurado. Os labores de restauración respectaron a inscrición preconstitucional. Na cabeceira da fonte tallouse o emblema de Falanxe (xugo e frechas). Por debaixo, riscáronse as siglas J.A.M. e mais a data de construción. As siglas J.A.M. correspóndense a “Juntas de Ayuda a Municipios”, un desaparecido organismo franquista. No arquivo do colectivo Capitán Gosende gárdase unha foto da fonte que data da súa inauguración.


Aditamento ilegal:
Elemento: Inscrición.
Dimensións: O texto inscrito ocupa unha superficie de 45 cm x 35 cm.
Texto e/ou emblema:


[Emblema de Falanxe]
J. A. M.
1952


Accións pendentes: Abuxardado da inscrición, respectando a data de construción.

1. Fonte pública da Devesa

Localización
Concello: Cerdedo.
Parroquia: Tomonde.
Lugar: A Devesa.
Coordenadas: X: 548.128; Y: 4.714.532
Inmóbel: Fonte pública con inscrición memorativa labrada na pedra da cabeceira. Inaugurada no ano 1952, cadrando coa alcaldía de Manuel Gutiérrez Torres, o terceiro alcalde da ditadura en Cerdedo e xefe local da Falanxe. Na actualidade, o inmóbel consta de fonte, pío, bebedeiro e lavadoiro. O cano non verte auga. Na cabeceira da fonte tallouse o emblema de Falanxe (xugo e frechas). Por debaixo, riscáronse as siglas J.A.M. e mais a data de construción. As siglas J.A.M. correspóndense a “Juntas de Ayuda a Municipios”, un desaparecido organismo franquista.


Aditamento ilegal:
Elemento: Inscrición.
Dimensións: O texto inscrito ocupa unha superficie de 66 cm x 39 cm.
Texto e/ou emblema:


[Emblema de Falanxe]
J. A. M. 1952


Accións pendentes: Abuxardado da inscrición, respectando a data de construción.
*
Simboloxía franquista na parroquia de Castro

1. Fonte pública de Castro do Medio

Localización
Concello: Cerdedo.
Parroquia: Castro.
Lugar: Castro do Medio.
Coordenadas: X: 547.076; Y: 4.712.004
Inmóbel: Fonte pública con inscrición memorativa labrada na pedra da cabeceira. Inaugurada no ano 1950, cadrando coa alcaldía de Manuel Gutiérrez Torres, o terceiro alcalde da ditadura en Cerdedo e xefe local da Falanxe. Na actualidade, o inmóbel consta de fonte, pío, lavadoiro grande e lavadoiro pequeno (que se empregaba para a bogada de crianzas e enfermos). Na parte superior da pedra cabeceira encaixouse un pequeno remate cúbico cuxa cara frontal presenta o emblema de Falanxe (xugo e frechas) e, debaixo, as siglas J.A.M. Na actualidade, só se conservan as letras; o emblema de Falanxe luíuse. Por debaixo, na mesma pedra cabeceira, riscáronse de novo as siglas J.A.M. e mais a data de construción. Por debaixo de letras e números, labrouse de segundas o emblema de Falanxe. Esta inscrición tallouse posteriormente á que figura no remate. As siglas J.A.M. correspóndense a “Juntas de Ayuda a Municipios”, un desaparecido organismo franquista. No arquivo do colectivo Capitán Gosende gárdanse dúas fotos da fonte que datan da súa inauguración.


Aditamento ilegal:
Elemento: Inscrición.
Dimensións: O texto inscrito ocupa unha superficie de 49 cm x 43 cm.
Texto e/ou emblema:

[Emblema de Falanxe] (luído)
J. A. M.

1950 J. A. M.
[Emblema de Falanxe]


Accións pendentes: Abuxardado da inscrición, respectando a data de construción.


Continuará...

Fonte pública de Castro do Medio (Castro).

Fonte pública da Devesa (Tomonde). Fonte de Baixo.