O sábado 11 de decembro máis de 200 persoas manifestáronse en Cerdedo para amosar o rexeitamento á invasión eólica que ameaza o territorio de Tabeirós-Terra de Montes e Cotobade. Xente de Forcarei, de Beariz, Cerdedo, Cotobade e da Estrada, uniuse nesta loita para deter a devastación dos montes e das aldeas en exclusivo beneficio de multinacionais.
Tras ler o manifesto da Coordinadora Eólica Así Non! na Praza do Concello, os manifestantes dirixíronse á estrada xeral N-541, na que se cortou o tráfico, e marcharon até chegar á rotonda á entrada do pobo. Finalmente, a marcha regresou de novo á Praza do Concello, onde se fixo un resumo da situación á que se enfrontan estes concellos nos que se proxectan 29 parques eólicos, tramitados a maioría deles na Xunta de Galicia.
Dende a Asociación Alarma na Terra de Montes e dende a Plataforma AsíEólicosNon de Cerdedo-Cotobade valórase moi positivamente a participación na Manifestación Eólica Así Non, o cal é indicativo do rexeitamento das veciñas e veciños a este asoballamento.
A mobilización foi unha das moitas que nos últimos meses está a expresar o malestar e o medo existentes nas aldeas e vilas galegas. Pero a cousa non vai quedar aquí, os veciños seguiranse a mobilizar mentres as administracións que van decidir sobre a aprobación ou non de todos estes proxectos, a Xunta de Galicia e o Goberno do Estado, non paren este despropósito disfrazado de “transición enerxética” e de “defensa do medio ambiente”. Tamén esperamos que os nosos representantes políticos locais se posicionen claramente do noso lado, sen ambigüidades nin xogos partidistas.
Asociación Alarma na Terra de Montes
Tras ler o manifesto da Coordinadora Eólica Así Non! na Praza do Concello, os manifestantes dirixíronse á estrada xeral N-541, na que se cortou o tráfico, e marcharon até chegar á rotonda á entrada do pobo. Finalmente, a marcha regresou de novo á Praza do Concello, onde se fixo un resumo da situación á que se enfrontan estes concellos nos que se proxectan 29 parques eólicos, tramitados a maioría deles na Xunta de Galicia.
Dende a Asociación Alarma na Terra de Montes e dende a Plataforma AsíEólicosNon de Cerdedo-Cotobade valórase moi positivamente a participación na Manifestación Eólica Así Non, o cal é indicativo do rexeitamento das veciñas e veciños a este asoballamento.
A mobilización foi unha das moitas que nos últimos meses está a expresar o malestar e o medo existentes nas aldeas e vilas galegas. Pero a cousa non vai quedar aquí, os veciños seguiranse a mobilizar mentres as administracións que van decidir sobre a aprobación ou non de todos estes proxectos, a Xunta de Galicia e o Goberno do Estado, non paren este despropósito disfrazado de “transición enerxética” e de “defensa do medio ambiente”. Tamén esperamos que os nosos representantes políticos locais se posicionen claramente do noso lado, sen ambigüidades nin xogos partidistas.
Asociación Alarma na Terra de Montes
Feed RSS
