VI Mostra de Teatro Escolar Olimpio Arca Caldas

A  Asociación Cultural “Vagalumes”, con motivo da conmemoración do aniversario de  Olimpio Arca Caldas e dentro do noso compromiso coa continuidade do seu labor de renovación pedagóxica e dinamización cultural, presentamos a VI Mostra de Teatro Escolar  que leva o nome do homenaxeado. O mestre Olimpio Arca entendía o teatro como un  complemento fundamental da docencia, así que lle deu un espazo primordial nas súas aulas.
As xornadas celebraranse no Teatro Principal da Estrada durante os días 26 e 27 de novembro ás 18:30 h, co seguinte programa:
​​
Luns,  27 de novembro, ás 18:30 h:

• CEIP do Foxo: "Sobrevoando A Estrada"
• CEIP Villar Paramá:  “O tupé non era tal” (baseada no libro/conto “A voda do galo Pinto” de Juan A. Belmontes e Natalie Pudalov)
• CEIP Pérez Viondi: “Dez vagalumes” de Xoán Babarro. 
• IES Antón Losada Diéguez: “Eu tamén fixen ouigha co espírito de Castelao” (adaptación dun relato de Séchu Sende).

Martes 28 de novembro, ás 18:30 h:

• CEIP Figueiroa:  “A propósito dos bicos”
• CEIP Cabada Vázquez: "Xuntos podemos" 
• CEIP Oca: "A viaxe de farrapos" de Carlos Labraña. 
• IES Nº 1: “Mundo refugallo” (adaptación de dúas obras de Paula Carballeira: "Somos os monstros" e " O refugallo").

Sen dúbida, o teatro na escola é unha actividade moi importante para o desenvolvemento persoal e emocional do alumnado, idóneo para mellorar a  capacidade comunicativa, para fomentar actitudes solidarias e de traballo cooperativo, para incrementar a creatividade e o sentido estético, para mellorar a integración no grupo e ao mesmo tempo avanzar na autonomía persoal...  Convidamos a toda a veciñanza a asistir ás xornadas de teatro Olimpio Arca para gozar do teatro e apreciar o talento dos rapaces e rapazas, así como o do  profesorado que os dinamiza e que se implica nun proxecto que, aínda que é emocionante e divertido,  require moito esforzo e dedicación. A entrada é libre e gratuíta.