Con motivo do centenario do fillo de Castelao nacido na Estrada, desde a Asociación Cultural “Vagalumes” queríamos conmemorar esta data lembrando o vencello do intelectual e creador galego máis universal co noso concello. 
Por iso imos recordar ao seu fillo cando se cumpren 100 anos do seu nacemento cunha ofrenda floral o vindeiro sábado 1 de febreiro no cemiterio da Estrada, onde se atopa xunto coa súa nai, a estradense Virxinia Pereira.
Aproveitando esta lembranza de quen fora o seu fillo biolóxico, quixemos tamén recordar a descendencia ideolóxica que deixou Daniel Castelao presentando un libro sobre os mozos que logo da súa morte, recolleron o facho do seu pensamento e reconstruíron o nacionalismo galego na terra coa constitución do Consello da Mocidade, do cal vimos de cumprir o seu 50 aniversario. Para isto imos presentar o libro “Do Piñeirismo ao Consello da Mocidade. O Rexurdir do nacionalismo galego” coa presenza dos seus autores Uxío Breogán Diéguez e Xoán Carlos Garrido e a proxección do documental da Fundación “Moncho Reboiras” sobre a historia deste Consello da Mocidade do ano 1963.

Contrarretranca naceu como un canle de expresión cultural da mocidade estrandense de entón, a altura do ano 90. Quixo ser unha continuidade dunha rica xeira de publicacións que houbera na república, un tempo onde simultaneamente saían máis de media ducia de cabeceiras. Algunha como réplica ou contrarréplica as anteriores. Así é o caso da dereitista Palanca, que tivo que verse na rúa ridiculizada por unha publicación esquerdista da que non temos máis que referencias orais. A Tranca, logo A Retranca, e finalmente a Contrarretranca.... e hoxe Tabeirosmontes seguimos a dar continuidade ao pasado, mais tamén a repetilo unha e outra vez. Porque en moitas cousas mellora o presente.
Contrarretranca está agora dispoñíbel dixitalizada para comprobar que neste Concello moitas cousas seguen igual e que hoxe, como hai 15 anos, moitas forzas críticas e rebeldes tratan de mellorar as cousas. Concretamente o coñecemento sobre nós mesmos, o noso territorio, o noso pasado, os nosos recursos, as nosas cousas, e as nosas posibilidades.
Contrarretranca foi esforzo por divulgar, mais tamén iso foi motor da investigación para divulgar, e finalmente foi unha escola para todos e todas as que durante 20 números puxeron a súa achega voluntarista en sacar cada edición con novidades sobre o pasado, e con propostas para o futuro. Sempre desde o compromiso coa nosa cultura e coa nosa lingua. 
Contrarretranca non traizoou nunca ao galego. Non renegou da lingua propia do país. É o mínimo de dignidade que se lle pode pedir a quen queira ser canle de comunicación dun pobo como o galego, secularmente amordazado e asolagado por un código alleo, abafantemente usado como se non tivesemos lingua de seu ou esta fose incapaz, inferior, subordinada, ... 

A Asociación Cultural “Vagalumes” a Asociación Ecoloxista-Cultural “Verbo Xido” presentan o vindeiro o libro “Emigrados, exilados e perseguidos. A comunidade portuguesa na Galiza (1890-1940)” de Dionisio Pereira, e faremos pública a listaxe de vítimas do franquismo na comarca de Tabeirós-Terra de Montes nun acto de homenaxe ao portugués, veciño da Estrada (Rubín, O foxo) e fusilado no 1936, Manuel Graciano Araujo, personificando nel a comunidade de inmigrantes leais á república que foron inmolados por defender a xustiza e a liberdade.
Este acto celebrarse na sala de exposicións de Novagalicia Banco da Estrada o vindeiro venres 24 de xaneiro ás 20:30, coa intervención do historiador Dionisio Pereira. Portugués, veciño da Estrada fusilado no 1936

Referencia da obra:

Emigrados, exilados e perseguidos. A comunidade portuguesa na Galiza (1890-1940) é o título da última publicação da Através Editora, carimbo editorial da AGAL, um trabalho de história transnacional que visa aprofundar na recuperação da memória coletiva entre ambos países. Dionísio Pereira, historiador e economista, é o autor deste ensaio que mostra os efeitos da perseguição política perpetrada pelos franquistas, depois do golpe do 36, contra cidadãos de origem portuguesa residentes ou exilados na Galiza.

Uma pesquisa histórica centrada nas décadas anteriores a julho de 1936 que identifica o coletivo português como uma coletividade integrada secularmente na sociedade galega. A descoberta da sua importância naquele contexto repressivo permitem uma nova abordagem da sua presença como corrente migratória, do seu grau de integração laboral e social e também avançar na caracterização das perseguições perpetradas pelos golpistas. O autor procura, desde finais do século XIX, como é a sua incorporação ao mercado de trabalho e como se produz a progressiva integração de multidão de trabalhadores de além Minho nas organizações operárias galaicas, mesmo a nível de dirigentes, como prólogo das perseguições de que foram alvo após o golpe militar de 1936.

A conivência do regime de Oliveira Salazar com o golpe contra a República espanhola é bem historiada: desde a participação da coluna de voluntários dos “Viriatos” à expulsão de fugidos e extradição de perseguidos a território rebelde. Porém, a presença portuguesa do ponto de vista das vítimas está pouco documentada e analisada. Trata-se de um assunto muito significativo, quase desconhecido como fenómeno coletivo, que permite nesta altura formular várias perguntas: a perseguição sofreram-na enquanto portugueses ou enquanto cidadãos ou habitantes do território espanhol? Por que foi obscurecida na memória e na história? A invisibilidade deste coletivo reflete a integração ou a ocultação deliberada?

Dionísio Pereira (Corunha, 1953) é licenciado em Ciências Económicas pela Universidade de Santiago de Compostela (USC). Investigador especializado na história dos movimentos sociais na Galiza contemporânea; entre 2006 e 2013 participou no projeto de pesquisa interuniversitária “Nomes e Voces”, encabeçado pela USC. Nos últimos tempos também trabalhou  no campo da história e da cultura marítima da Galiza.
.
Entre outros livros, tem publicado: A CNT en Galicia (1922-1936), 1994; Sindicalistas e rebeldes, 1998; Imaxes da fatiga: Crónica gráfica do traballo na Galiza, 1999; O patrimonio marítimo de Galicia, 2000 (1ª Ed.), 2003 (2ª Ed.); Foulas e ronseis (Retrincos para un tratado do mar dos galegos), 2005; Loita de clases e represión franquista no mar (1864-1939), 2011; e José Pasín Romero: Memoria do proletariado militante de Compostela, 2012. Com Eliseo Fernández é autor de O Anarquismo na Galiza. Apuntes para unha enciclopedia (1870-1970), 2004; e O Movemento libertario en Galiza (1936-1976), 2006.