Tras o seu cese, Campos Varela aínda recuperará o bastón de mando de xeito intermitente. O día 20 de febreiro, por mor dos resultados electorais, o socialista Emilio Martínez Garrido substitúe a Campos Varela na alcaldía.
O alcalde Martínez Garrido no despacho da alcaldía.
Calros Solla
O Goberno Civil inspecciona a Facenda municipal viguesa e detecta, entre outras irregularidades, 175.039’54 pesetas de gasto sen formalizar durante a alcaldía de Campos Varela. A auditoría correra a cargo do avogado e delegado gobernativo Alberte Martínez Tiscar. En El Pueblo Gallego (5-7-1935), o novo alcalde, Salgado Urtiaga, exprésase deste xeito: Todos recordamos el ruido, que aún ensordece, el terrible escándalo que hubo de armar la gloriosa corporación municipal del advenimiento de la República al encontrarse con un volumen de pagos “a formalizar” que ascendía en aquellas fechas a 224.039’43 pesetas. Tales vuelos adquirió el hecho que todo ciudadano hubo de pensar con alarma que las cárceles no serían suficientes para albergar tanto pecador. Funcionaban los terribles tribunales de responsabilidades. Se predicaba férrea ejemplaridad en el castigo. Se exhibían ante el pueblo descarnadamente los hechos, para que el pueblo hiciese caer sus iras sobre la delincuencia. Por momentos, hubimos de sentir escalofríos. Sin embargo todo fue una humorada pasajera. Aquella suma sin formalizar de 224.039’43 pesetas que dio lugar a la tragicomedia se fue haciendo pausadamente más robusta, hasta que llegó a un titán que, cual el caballero Lohengrim, acorazado y espada desafiadora en mano, de un golpe certero vuelca 175.000 pesetas sobre la suma y redondea para siempre la cifra. Él no entiende de blandenguerías. Así se hace. La cuestión es acabar pronto.
Y ya tenemos elevada al doble, gracias a ese heroico esfuerzo, la suma del drama. Y mientras tanto el pueblo paciente aguanta y paga.
En El Pueblo Gallego (7-7-1935), Campos Varela deféndese das anteriores acusacións, explicando a diferenza entre “pagos a justificar” e “pagos a formalizar”.
Alcalde e exalcalde intercambian reproches na prensa local. Salgado Urtiaga, en El Pueblo Gallego (19-7-1935), reitera as súas acusacións de irregularidades contábeis durante a xestión de Campos Varela.
En novembro, Campos Varela, en calidade de tenente de alcalde, asiste na Sociedade La Oliva a unha conferencia do doutor Iglesias titulada “La vida en el mar” (El Pueblo Gallego, 12-11-1935).
O 7 de xaneiro de 1936, El Pueblo Gallego publica un edicto da alcaldía no que se informa que o concello vai adquirir por concurso oitenta e cinco impermeábeis e vinte traxes de faena “(monos)” para o Servizo Municipal de Limpeza Pública. Campos Varela, que recuperara a alcaldía, asina o bando.
O mesmo xornal (8-1-1936) informa doutra reorganización levada a cabo polo Goberno Civil na corporación viguesa. Ánxel Campos Varela aparece na listaxe de concelleiros repostos, pertencentes á anterior corporación e que foran elixidos polo pobo. O mesmo día oito, no salón de sesións do concello, celébrase unha xuntanza presidida polo delegado gobernativo Alberte Martínez Tiscar co obxectivo de conformar a nova corporación. Tras as votacións, Manuel Hidalgo Rodríguez faise coa alcaldía e Ánxel Campos Varela é ratificado como primeiro tenente de alcalde (El Pueblo Gallego, 9-1-1936 e El Tea, 14-1-1936).
Alberte Martínez Tiscar será detido o 6 de setembro de 1936 por un fato de falanxistas, cívicos e membros da Garda Civil. Foi torturado, asasinado e fondeado en augas de Bueu.
Na sesión municipal celebrada o 10 de xaneiro de 1936, Campos Varela é escolleito para integrar a Comisión de Gobernación.
Por El Pueblo Gallego (26-1-1936) sabemos que Campos Varela, de novo en calidade de alcalde, recibira, procedentes de Madrid, o director do Colegio Nacional de Ciegos e mais o director do Colegio Nacional de Sordomudos. Despois visitaron a Escola Municipal de Cegos que o concello sostiña na rúa de Cervantes.
Os días 16 e 23 de febreiro de 1936 celebráronse no Estado as terceiras eleccións xerais da II República. O día 20, por mor dos resultados, remodélase a composición da corporación viguesa. Campos Varela cesa como alcalde. É substituído polo socialista Emilio Martínez Garrido, que recupera a alcaldía. Segundo o xornal pontevedrés El País (22-2-1936), Campos Varela non quixo parabenizar a nova autoridade.
Tras a sublevación fascista de xullo de 1936, Emilio Martínez Garrido foi detido, xulgado en consello de guerra e fusilado no cemiterio de Pereiró o 27 de agosto de 1936.
Concluída a súa vida política, Campos Varela dedicarase de cheo á avogacía, conxugando a súa profesión co seu cargo de xefe provincial da Sección Económica Sindical da Pesca e coa xestión da súa empresa de conservas “La Canidense”.
El Pueblo Gallego (3-3-1936) informa da voda entre Branca Cerqueira Pose e Luís Collado de Ozores. Casan na parroquial de Santiago de Vigo. Branca Cerqueira era filla de Antonio Cerqueira Domínguez “prestigioso fabricante de conservas” e sobriña política de Campos Varela, que asina na acta como testemuña da noiva.
Continuará...
Y ya tenemos elevada al doble, gracias a ese heroico esfuerzo, la suma del drama. Y mientras tanto el pueblo paciente aguanta y paga.
En El Pueblo Gallego (7-7-1935), Campos Varela deféndese das anteriores acusacións, explicando a diferenza entre “pagos a justificar” e “pagos a formalizar”.
Alcalde e exalcalde intercambian reproches na prensa local. Salgado Urtiaga, en El Pueblo Gallego (19-7-1935), reitera as súas acusacións de irregularidades contábeis durante a xestión de Campos Varela.
En novembro, Campos Varela, en calidade de tenente de alcalde, asiste na Sociedade La Oliva a unha conferencia do doutor Iglesias titulada “La vida en el mar” (El Pueblo Gallego, 12-11-1935).
O 7 de xaneiro de 1936, El Pueblo Gallego publica un edicto da alcaldía no que se informa que o concello vai adquirir por concurso oitenta e cinco impermeábeis e vinte traxes de faena “(monos)” para o Servizo Municipal de Limpeza Pública. Campos Varela, que recuperara a alcaldía, asina o bando.
O mesmo xornal (8-1-1936) informa doutra reorganización levada a cabo polo Goberno Civil na corporación viguesa. Ánxel Campos Varela aparece na listaxe de concelleiros repostos, pertencentes á anterior corporación e que foran elixidos polo pobo. O mesmo día oito, no salón de sesións do concello, celébrase unha xuntanza presidida polo delegado gobernativo Alberte Martínez Tiscar co obxectivo de conformar a nova corporación. Tras as votacións, Manuel Hidalgo Rodríguez faise coa alcaldía e Ánxel Campos Varela é ratificado como primeiro tenente de alcalde (El Pueblo Gallego, 9-1-1936 e El Tea, 14-1-1936).
Alberte Martínez Tiscar será detido o 6 de setembro de 1936 por un fato de falanxistas, cívicos e membros da Garda Civil. Foi torturado, asasinado e fondeado en augas de Bueu.
Na sesión municipal celebrada o 10 de xaneiro de 1936, Campos Varela é escolleito para integrar a Comisión de Gobernación.
Por El Pueblo Gallego (26-1-1936) sabemos que Campos Varela, de novo en calidade de alcalde, recibira, procedentes de Madrid, o director do Colegio Nacional de Ciegos e mais o director do Colegio Nacional de Sordomudos. Despois visitaron a Escola Municipal de Cegos que o concello sostiña na rúa de Cervantes.
Os días 16 e 23 de febreiro de 1936 celebráronse no Estado as terceiras eleccións xerais da II República. O día 20, por mor dos resultados, remodélase a composición da corporación viguesa. Campos Varela cesa como alcalde. É substituído polo socialista Emilio Martínez Garrido, que recupera a alcaldía. Segundo o xornal pontevedrés El País (22-2-1936), Campos Varela non quixo parabenizar a nova autoridade.
Tras a sublevación fascista de xullo de 1936, Emilio Martínez Garrido foi detido, xulgado en consello de guerra e fusilado no cemiterio de Pereiró o 27 de agosto de 1936.
Concluída a súa vida política, Campos Varela dedicarase de cheo á avogacía, conxugando a súa profesión co seu cargo de xefe provincial da Sección Económica Sindical da Pesca e coa xestión da súa empresa de conservas “La Canidense”.
El Pueblo Gallego (3-3-1936) informa da voda entre Branca Cerqueira Pose e Luís Collado de Ozores. Casan na parroquial de Santiago de Vigo. Branca Cerqueira era filla de Antonio Cerqueira Domínguez “prestigioso fabricante de conservas” e sobriña política de Campos Varela, que asina na acta como testemuña da noiva.
Continuará...
O alcalde Emilio Martínez Garrido.
 Ánxel Campos Varela (Foto Pacheco, 29-9-1933). |  Caricatura do alcalde Emilio Martínez Garrido. |
Fuente RSS
