GÁRDENSE DESES PROPÓSITOS…

David Otero

Nestes ventos nosos de primavera

(neste abril)
busco esencia matria montesía
e atopo …terra… desespero.
desespero por tanta espúrea ocupación
que en nada nos respecta,
nin coñece.

As voces nosas populares
polos cumes bravos
e rebeldes
destas aldeas tan lexítimas de nós
ben certamente 
acusan usurpacións 
bradando… na dolor xigante dun comunal sufrir 

Queren eles colocarse señores 
nas terras puras do que somos
nas das casas das nosas orixes e neneces
nas das mocidades
e así queremos declarar aquí as valentías
…escribilas…! 
no sacro papel sen paro das nosas vidas…

Tamén aquí en fala nosa … nunca vencida,
rogaremos firmemente… 
pobo a unirte…!
proclamando o xusto e necesario de loitar
para activarnos nas conciencias afiadas
e facernos escoitar…
por tanta aldraxe.

Veñen homes monte arriba contra nosa.
traen muíños xigantes pra fendernos os camiños,
como   loros de palacio discursean
e fannos   crer mentiras … 
 comenencias…
Queren volver ermos… os nosos chans
negarlles vida libre… ás nosas bestas

Gárdense  deses propósitos…
non abusen.
Que os nosos ventos…
que os nosos  montes 
non son… señores… valor de cambio
Programen outra esccoiten …                                
que así… non…!

De non facelo…
 teñan en conta e saiban… que daquela…
… serán as nosas palabras 
as que se notarán todas elas
tal gadañas……
indo e vindo…
…xusticieiras.                    



david otero (ac vagalumes,a estrada)