A Asociación Cultural Vagalumes, diante da situación de emerxencia que sofre o noso patrimonio, quere lanzar unha iniciativa de difusión e valoración dos nosos bens que baixo o nome “ProxectOuzamerxe” se vai desenvolver nos próximos meses e que iniciamos coa celebración o vindeiro venres 26 dun acto de presentación deste proxecto no marco da inauguración dunha exposición sobre “As cruces de pedra na Bretaña” de Castelao.
Este acto terá lugar ás 20:00 h. na sala de exposicións de Abanca na Estrada. Intervirán: en nome da AC Vagalumes, Xoán Carlos Garrido para presentar o proxecto, concretado neste caso nos cruceiros da Estrada; Pablo Porta falará sobre a presenza da Estrada e do seu patrimonio na obra de Castelao; e a profesora bretoa Isabelle Kerdudo tratará as relacións entre Bretaña e Galiza.
A exposición, inspirada na viaxe de Virxinia e Castelao á Bretaña no 1929 e no estudo que este último realizou sobre as cruces, cruceiros e calvarios daquel país, estará aberta desde o día 26 até o día 3O en horario de 18:00 h. a 20:00 h.
Para este acto a Asociación Cultural “Vagalumes” contou coa colaboración do Museo de Pontevedra e coa axuda económica da Deputación de Pontevedra.
Este acto terá lugar ás 20:00 h. na sala de exposicións de Abanca na Estrada. Intervirán: en nome da AC Vagalumes, Xoán Carlos Garrido para presentar o proxecto, concretado neste caso nos cruceiros da Estrada; Pablo Porta falará sobre a presenza da Estrada e do seu patrimonio na obra de Castelao; e a profesora bretoa Isabelle Kerdudo tratará as relacións entre Bretaña e Galiza.
A exposición, inspirada na viaxe de Virxinia e Castelao á Bretaña no 1929 e no estudo que este último realizou sobre as cruces, cruceiros e calvarios daquel país, estará aberta desde o día 26 até o día 3O en horario de 18:00 h. a 20:00 h.
Para este acto a Asociación Cultural “Vagalumes” contou coa colaboración do Museo de Pontevedra e coa axuda económica da Deputación de Pontevedra.
Fuente RSS
